ராணிப்பேட்டை மாவட்டம் பனப்பாக்கம் கல்பாலம்புத்து கூட்ரோட்டில் நேற்று இரவு ரோந்து பணியில் ஈடுபட்ட போலீசார், சந்தேகத்துக்கு இடமான வகையில் சுற்றிக்கொண்டிருந்த வாலிபரை பிடித்து விசாரித்தனர். அப்போது அவர் முன்னுக்கு பின் முரணாக பதில் அளித்தார்.
அவரை போலீஸ் நிலையத்திற்கு அழைத்து சென்று விசாரித்ததில், அவர் பனப்பாக்கம் சுந்தரம் தியேட்டர் பகுதியை சேர்ந்த லிங்கா(எ) சிவலிங்கம் (24) என்பதும் தெரியவந்தது. அவரிடமிருந்து 100 கிராம் கஞ்சா மற்றும் பட்டா கத்தியையும் போலீசார் பறிமுதல் செய்தனர்.
இதுகுறித்து போலீசார் வழக்குப்பதிவு செய்து வாலிபர் லிங்காவை கைது செய்து சிறையில் அடைத்தனர்.
இந்த சம்பவம் குறித்து பனப்பாக்கம் போலீஸ் சப் இன்ஸ்பெக்டர் லோகேஷ் கூறுகையில், "சந்தேகத்துக்கு இடமான வகையில் சுற்றிக்கொண்டிருந்த வாலிபரை பிடித்து விசாரித்ததில், அவர் கஞ்சா விற்பனை செய்து வந்தது தெரியவந்தது. அவரிடமிருந்து 100 கிராம் கஞ்சா மற்றும் பட்டா கத்தியையும் பறிமுதல் செய்துள்ளோம். இதுபோன்ற குற்றச்செயல்களில் ஈடுபடுவோர் மீது கடுமையான நடவடிக்கை எடுக்கப்படும்" என்று தெரிவித்தார்.
