👉 1977ஆம் ஆண்டு பிப்ரவரி 1ஆம் தேதி இந்தியாவின் முதல் இரயில்வே அருங்காட்சியகம் சாணக்கியபுரி, புதுடில்லியில் திறக்கப்பட்டது.
👉 1884ஆம் ஆண்டு பிப்ரவரி 1ஆம் தேதி ஆக்ஸ்ஃபோர்டு ஆங்கில அகராதியின் முதல் பதிப்பு வெளியானது.
நினைவு நாள் :-
கல்பனா சாவ்லா
🚀 இந்தியாவின் முதல் விண்வெளி வீராங்கனை கல்பனா சாவ்லா 1962ஆம் ஆண்டு மார்ச் 17ஆம் தேதி ஹரியானா மாநிலத்தில் உள்ள கர்னால் என்ற நகரத்தில் பிறந்தார். இவருடைய பள்ளி சான்றிதழ்களில் 1961ஆம் ஆண்டு, ஜூலை 1ஆம் தேதி பிறந்தார் என்று குறிப்பிடப்பட்டுள்ளது.
🚀 இவர் 1997ஆம் ஆண்டு கொலம்பிய விண்கலம் எஸ்.டி.எஸ்-87ல் ஆறு வீரர்கள் கொண்ட குழுவுடன் முதல்முறையாக விண்வெளிக்கு சென்றார். இந்த விண்கலம் விண்வெளியில் 372 மணிநேரம் ஆராய்ச்சிகளில் ஈடுபட்டு 252 தடவை பூமியைச் சுற்றியது.
🚀 மீண்டும் 2003ஆம் ஆண்டு கொலம்பியா விண்கலம் எஸ்.டி.எஸ்-107ல் கல்பனா உள்ளிட்ட ஏழு வீரர்கள் அடங்கிய குழு சென்றனர். பிப்ரவரி 1ஆம் தேதி, பயணம் முடித்து விண்கலம் தரையிறங்குவதற்கு சில நிமிடங்களுக்கு முன்னதாக, விண்கலம் வெடித்துச் சிதறியது. இதில் கல்பனா உட்பட ஏழு பேரும் உயிரிழந்தனர்.
🚀 வானத்தை வசப்படுத்திய கல்பனா சாவ்லாவை கௌரவிக்கும் விதமாக கர்நாடக அரசும், இந்திய அரசும் சாதனை புரியும் பெண்களுக்கு இவரது பெயரில் விருது வழங்கி வருகிறது.
பிறந்த நாள் :-
ஓமந்தூர் ராமசாமி ரெட்டியார்
🏁 விடுதலைப் போராட்ட வீரரும், சென்னையின் முன்னாள் முதல்வருமான ஓமந்தூர் ராமசாமி ரெட்டியார் 1895ஆம் ஆண்டு பிப்ரவரி 1ஆம் தேதி திண்டிவனம் அருகே உள்ள ஓமந்தூர் கிராமத்தில் பிறந்தார்.
🏁 இவர் மிக இளம்வயதிலேயே சுதந்திரப் போராட்டத்தில் ஈடுபடத் தொடங்கிவிட்டார். இந்தியா சுதந்திரம் பெற்றவுடன் ஹைதராபாத்தை இந்தியாவுடன் இணைப்பதில் பெரும் பங்காற்றினார்.
🏁 இவர் சென்னை மாகாணத்தின் முதலமைச்சராக மார்ச் 23, 1947ஆம் ஆண்டு முதல் ஏப்ரல் 6, 1949ஆம் ஆண்டு வரை பதவியில் இருந்தார். இவரது ஆட்சிக்காலத்தில் தாழ்த்தப்பட்டோர் கோவிலுக்குள் செல்வதற்கான முழு உரிமை அதிகாரச் சட்டம் 1947ஆம் ஆண்டு இயற்றப்பட்டது. ஜமீன்தார் இனமுறையை ஒழித்தார், ஊழலுக்கு எதிராக நடவடிக்கை எடுத்தார்.
🏁 முதல்வர் பதவியிலிருந்து விலகிய பிறகு இவரது மனம் ஆன்மீகத்திலும், சமூக சேவையிலும் நாட்டம் கொண்டது. வள்ளலாரால் ஈர்க்கப்பட்டு, சமரச சுத்த சன்மார்க்கத்தில் தன்னை இணைத்துக்கொண்டார். பல தொண்டு அமைப்புகளை நிறுவினார்.
🏁 நேர்மையும், துணிச்சலும் மிக்க அரசியல்வாதியாகப் போற்றப்படும் இவர், 1970ஆம் ஆண்டு தனது 75வது வயதில் மறைந்தார்.
ஸ்டான்லி ஹால்
✍ அமெரிக்க முன்னோடி உளவியலாளரும், கல்வியாளருமான கிரான்வில் ஸ்டான்லி ஹால் 1846ஆம் ஆண்டு பிப்ரவரி 1ஆம் தேதி அமெரிக்காவின் மசாசூசெட்ஸ் மாநிலம் ஆஷ்ஃபீல்டு நகரில் பிறந்தார்.
✍ இவர் படித்த 'பிரின்சிபல்ஸ் ஆஃப் பிசியலாஜிகல் சைக்காலஜி' என்ற நூல், இவருக்கு வாழ்க்கையில் ஒரு திருப்புமுனையாக அமைந்தது. அமெரிக்காவில் உளவியல் துறையில் டாக்டர் பட்டம் பெற்ற முதல் நபர் என்ற பெருமையைப் பெற்றார்.
✍ பால்டிமோர் ஜான்ஸ் ஹாப்கின்ஸ் பல்கலைக்கழகத்தில் அமெரிக்காவிலேயே முறை சார்ந்த முதலாவது உளவியல் ஆய்வுக்கூடத்தைத் தொடங்கினார்.
✍ மத உளவியல் சம்பந்தமாக 'ஜீசஸ் தி கிறைஸ்ட் இன் தி லைட் ஆஃப் சைக்காலஜி' என்ற நூலை 1917ஆம் ஆண்டு வெளியிட்டார். மானுடவியல், குழந்தைப்பருவ நடத்தைகள் குறித்து பல நூல்களை எழுதினார். முதுமையடைவது குறித்த நூலை 78வது வயதில் எழுதினார்.
✍ குழந்தை உளவியல், உளவியல் கல்வியின் ஆரம்பகர்த்தா என்று போற்றப்படும் ஸ்டான்லி ஹால் 78வது வயதில் (1924) மறைந்தார்.
இன்றைய தின நிகழ்வுகள்
1327 – பதின்ம வயது மூன்றாம் எட்வர்டு இங்கிலாந்தின் மன்னனாக முடிசூடினான். ஆனால் அவனது தாய் இசபெல்லாவும் தாயின் காதலன் ரொஜர் மோர்ட்டிமரும் நாட்டை ஆண்டனர்.1329 – பொகேமியா மன்னர் ஜான் லித்துவேனியாவில் முக்கிய கோட்டையைக் கைப்பற்றி, அதன் 6,000 பாதுகாப்புப் படையினரை திருமுழுக்கிட்டான்.
1662 – ஒன்பது-மாத முற்றுகையின் பின்னர் சீனத் தளபதி கோசிங்கா தைவான் தீவைக் கைப்பற்றினான்.
1788 – ஐசாக் பிறிக்ஸ், வில்லியம் லோங்ஸ்ட்ரீட் ஆகியோர் நீராவிப்படகுக்கான காப்புரிமம் பெற்றனர்.
1793 – பிரெஞ்சுப் புரட்சிப் போர்கள்: ஐக்கிய இராச்சியம் மற்றும் நெதர்லாந்து மீது பிரான்சு போரைத் தொடுத்தது.
1814 – பிலிப்பீன்சில் மயோன் எரிமலை வெடித்ததில் 1,200 பேர் உயிரிழந்தனர்.
1832 – ஆசியாவின் முதலாவது அஞ்சல் வண்டி சேவை (mail-coach) இலங்கையில் கண்டியில் ஆரம்பமாகியது.[1]
1835 – மொரிசியசில் அடிமை வணிகம் ஒழிக்கப்பட்டது.
1861 – அமெரிக்க உள்நாட்டுப் போர்: டெக்சசு மாநிலம் ஐக்கிய அமெரிக்காவில் இருந்து விலகியது.
1864 – டென்மார்க்-புரூசியா போர் ஆரம்பமானது.
1880 – யாழ்ப்பாணத்திற்கும் பருத்தித்துறைக்கும் இடையில் முதலாவது தபால் வண்டி சேவையை ஆரம்பித்தது.[1]
1884 – ஒக்ஸ்ஃபோர்ட் ஆங்கில அகராதியின் முதற் பதிப்பு வெளியானது.
1893 – தாமசு ஆல்வா எடிசன் தனது முதலாவது அசையும் படத்துக்கான படப்பிடிப்பகத்தை நியூ ஜேர்சியில் மேற்கு ஒரேஞ்சு நகரில் கட்டி முடித்தார்.
1908 – போர்த்துக்கல் மன்னன் முதலாம் கார்லோசு, அவனது மகன் இளவரசர் லூயிஸ் பிலிப் ஆகியோர் லிஸ்பன் நகரில் சுட்டுக் கொல்லப்பட்டனர்.
1918 – உருசியா ஜூலியன் நாட்காட்டியில் இருந்து கிரிகோரியன் நாட்காட்டிக்கு மாறியது.
1924 – சோவியத் ஒன்றியத்தை ஐக்கிய இராச்சியம் அங்கீகரித்தது.
1942 – அமெரிக்க அரசின் அதிகாரபூர்வ வெளிநாட்டு வானொலி வாய்ஸ் ஆஃப் அமெரிக்கா அச்சு நாடுகளின் கட்டுப்பாட்டுப் பகுதிகளில் தனது ஒலிபரப்பு சேவையை ஆரம்பித்தது.
1946 – நோர்வேயின் திறிகுவே இலீ ஐக்கிய நாடுகள் சபையின் முதலாவது பொதுச் செயலராகத் தெரிவு செய்யப்பட்டார்.
1946 – அங்கேரி நாடாளுமன்றம் ஒன்பது நூற்றாண்டுப் பழமையான மன்னராட்சியை நீக்கி குடியரசாக அறிவித்தது.
1953 – வடகடல் வெள்ளப்பெருக்கு நெதர்லாந்து, பெல்ஜியம், ஐக்கிய இராச்சியம் ஆகிய நாடுகளைத் தாக்கியது.
1958 – எகிப்து மற்றும் சிரியா ஆகியன இணைந்து 1961 வரையில் ஐக்கிய அரபுக் குடியரசு என ஒரு நாடாக இயங்கின.
1972 – கோலாலம்பூர் மலேசியாவின் மன்னரால் மாநகரமாக அறிவிக்கப்பட்டது.
1974 – பிரேசிலில் சாவோ பாவுலோ நகரில் 25-மாடிக் கட்டடம் ஒன்றில் தீப்பற்றியதில் 189 பேர் உயிரிழந்தனர், 293 பேர் காயமடைந்தனர்.
1979 – 15 ஆண்டுகள் நாடு கடந்த நிலையில் வாழ்ந்த ஈரானின் மதத்தலைவர் அயத்தொல்லா கொமெய்னி தெகுரான் திரும்பினார்.
1991 – லாசு ஏஞ்சலசு பன்னாட்டு வானூர்தி நிலைய ஓடுபாதையில் இரண்டு விமானங்கள் மோதியதில் 34 பேர் உயிரிழந்தனர், 30 பேர் காயமடைந்தனர்.
1992 – போபால் பேரழிவு: யூனியன் கார்பைட்டின் முன்னாள் முதன்மைச் செயலர் வாரன் அண்டர்சன் ஒரு தலைமறைவான குற்றவாளி என போபால் நீதிமன்றம் அறிவித்தது.
1998 – கிளிநொச்சித் தாக்குதல், 1998: கிளிநொச்சி நகரம் மீதான விடுதலைப் புலிகளின் தாக்குதல் ஆரம்பமாகியது.
2002 – சனவரி 23 இல் கடத்தப்பட்ட அமெரிக்க ஊடகவியலாளர் டேனியல் பெர்ல் கடத்தல்காரர்களால் கழுத்து துண்டிக்கப்பட்டு படுகொலை செய்யப்பட்டார்.
2003 – கொலம்பியா விண்ணோடம் பூமியின் வளிமண்டலத்தினுள் வெடித்துச் சிதறியதில் இந்திய விண்வெளி வீராங்கனை கல்பனா சாவ்லா உட்பட ஏழு பேர் உயிரிழந்தனர்.
2004 – சவூதி அரேபியாவில் ஹஜ் பயணத்தின் போது ஏற்பட்ட கூட்ட நெரிசலில் சிக்கி 251 பேர் உயிரிழந்தனர், 244 பேர் காயமடைந்தனர்.
2005 – நேபாள மன்னர் ஞானேந்திரா இராணுவப் புரட்சி ஒன்றை நடத்தி நாடாளுமன்றத்தைக் கலைத்து நாட்டைத் தனது கட்டுப்பாட்டுக்குள் கொண்டு வந்தார்.
2005 – கனடா சமப்பால் திருமணத்தை சட்டபூர்வமாக்கிய நான்காவது நாடானது.
2007 – மட்டக்களப்பு வந்தாறுமூலையில் இடம்பெற்ற கிளைமோர் குண்டுத் தாக்குதலில் பேருந்து ஒன்று சிக்கியதில் 2 அதிரடிப்படையினர் 6 காவற்துறையினர் உட்பட 11 பேர் கொல்லப்பட்டனர்.
2012 – எகிப்தில் கால்பந்து அரங்கு ஒன்றில் இரண்டு அணி ரசிகர்களிடையே இடம்பெற்ற மோதலில் 74 பேர் உயிரிழந்தனர்.
2013 – ஐரோப்பிய ஒன்றியத்தில் மிக உயரமான கட்டடம் ஷார்டு பொதுமக்களுக்காகத் திறக்கப்பட்டது.
2021 – மியான்மர் இராணுவப் புரட்சியில் ஆங் சான் சூச்சி கைது செய்யப்பட்டார். இராணுவம் ஆட்சியைக் கைப்பற்றியது.
இன்றைய தின பிறப்புகள்
1707 – பிரெடரிக், வேல்சு இளவரசர், (இ. 1751)1844 – கிரான்வில் ஸ்டான்லி ஹால், அமெரிக்க உளவியலாளர் (இ. 1924)
1873 – பம்மல் சம்பந்த முதலியார், தமிழ் நாடகத் தந்தை (இ. 1964)
1894 – ஜான் போர்டு, அமெரிக்க இயக்குநர், தயாரிப்பாளர் (இ. 1973)
1901 – கிளார்க் கேபிள், அமெரிக்க நடிகர் (இ. 1960)
1902 – லாங்ஸ்ரன் ஹியூஸ், அமெரிக்கக் கவிஞர் (இ. 1967)
1905 – எமீலியோ சேக்ரே, நோபல் பரிசு பெற்ற இத்தாலிய-அமெரிக்க இயற்பியலாளர் (இ. 1989)
1930 – இந்தர் மல்கோத்ரா, இந்திய இதழாளர், நூலாசிரியர் (இ. 2016)
1931 – போரிஸ் யெல்ட்சின், உருசியாவின் 1வது அரசுத்தலைவர் (இ. 2007)
1936 – பொ. ம. இராசமணி, தமிழகத் தமிழறிஞர் (இ. 2009)
1957 – ஜாக்கி செராப், இந்திய நடிகர்
1961 – செ. குரு, தமிழக அரசியல்வாதி (இ. 2018)
1982 – சோயிப் மாலிக், பாக்கித்தானியத் துடுப்பாட்ட வீரர்
1985 – கோபிகா, தென்னிந்தியத் திரைப்பட நடிகை
1992 – வைதேகி பரசுராமி, மராத்தி நடிகை
இன்றைய தின இறப்புகள்
772 – மூன்றாம் ஸ்தேவான் (திருத்தந்தை) (பி. 720)1851 – மேரி செல்லி, ஆங்கிலேய எழுத்தாளர் (பி. 1797)
1876 – மீனாட்சிசுந்தரம் பிள்ளை, தமிழறிஞர் (பி. 1815)
1882 – நயின் சிங் ராவத், இந்திய நில அளவியலாளர் (பி. 1830)
1903 – ஜார்ஜ் கேப்ரியல் ஸ்டோக்ஸ், ஆங்கிலோ-அயர்லாந்து இயற்பியலாளர், கணிதவியலாளர், அரசியல்வாதி (பி. 1819)
1905 – எமீலியோ சேக்ரே, இத்தாலிய இயற்பியலாளர் (இ. 1989)
1939 – ஏ. நாராயணன், தமிழ்த் திரைப்பட இயக்குநர், தமிழகத்தின் முதல் பேசும் பட ஒலிக் கலையகத்தை அமைத்தவர் (பி. 1900)
1942 – ஞானியார் அடிகள், சைவத் துறவி, பேச்சாளர், உரையாசிரியர் (பி. 1873)
1958 – கிளிண்டன் ஜோசப் டேவிசன், நோபல் பரிசு பெற்ற அமெரிக்க இயற்பியலாளர் (பி. 1888)
1976 – வெர்னர் ஐசன்பர்க், நோபல் பரிசு பெற்ற செருமானிய இயற்பியலாளர் (பி. 1901)
1999 – பாரிசு மான்கோ, துருக்கியப் பாடகர் (பி. 1943)
2002 – டேனியல் பெர்ல், அமெரிக்க யூதப் பத்திரிகையாளர் (பி. 1963)
2003 – கல்பனா சாவ்லா, இந்திய-அமெரிக்க விண்வெளி வீராங்கனை, கொலம்பியா விண்ணோட வீராங்கனை (பி. 1961)
2008 – ஆர். கே. கரஞ்சியா, இந்திய எழுத்தாளர், இதழாளர் (பி. 1912)
2012 – விஸ்லவா சிம்போர்ஸ்கா, நோபல் பரிசு பெற்ற போலந்து எழுத்தாளர் (பி. 1923)
இன்றைய தின சிறப்பு நாள்
குடியரசு நினைவு நாள் (அங்கேரி)அடிமை ஒழிப்பு நாள் (மொரிசியசு)
தேசிய விடுதலை நாள் (அமெரிக்கா)
