மேலும் அப்பகுதி வழியாக 8 மணிக்கு இயக்கப்பட்டு வந்த பேருந்து சேவை தற்போது நிறுத்தி வைக்கப்பட்டிருப்பதால் மாணவ மாணவிகள் மிகவும் சிரமப்படுவதாகவும், குறித்த நேரத்திற்கு பள்ளிக்கு வர இயலவில்லை எனத் தெரிவித்து, மாவட்ட ஆட்சியரிடம் புகார் மனுவை வழங்கியுள்ளார். அதில் காலை ஏழு முப்பது மணிக்கு இயக்கப்படுகின்ற பேருந்தையும், நிறுத்தி வைக்கப்பட்டுள்ள எட்டு மணிக்கு இயக்கப்படுகின்ற பேருந்தையும், மேலும் பள்ளி நேரங்களில் கூடுதல் பேருந்து சேவையை இயக்க வேண்டும் என வலியுறுத்தி மாணவி கோரிக்கை மனுவினை மாவட்ட ஆட்சியரிடம் வழங்கியுள்ளார்.
கோரிக்கை பதிவினைப் பெற்ற மாவட்ட ஆட்சியர் உரிய நடவடிக்கை எடுப்பதாக மாணவிக்கு உத்திரவாதம் கொடுத்தார். மேலும் துணிச்சலுடன் மாவட்ட ஆட்சியரை சந்தித்து புகார் தெரிவித்த மாணவியை மாவட்ட ஆட்சியர் பாராட்டி வாழ்த்தி அனுப்பினார்.
